Færsluflokkur: Stjórnmál og samfélag

Heimspekilegar vangaveltur um þjóðfélagsstöðu

Money-Print-C10055084Svona yfir það heila... Hvort gera peningar meira af því að framkalla gleði eða sorg?

Svar óskast sent.


Umferðarmenning

r153015_548364Nú er að sjá hvort einhverjir séu sammála mér.

Mín kenning er sú að stærstu valdar að slysum á Hellisheiði séu þeir sem keyra of hægt. Ekki þeir sem keyra of hratt. Þá er ég nú ekki að tala um stórslys eða banaslys, heldur minni slys og kjánaleg slys. Hversu oft hefur maður ekki lent í því að vera að keyra Hellisheiði og vera allt í einu lentur í 20 bíla röð, og sá sem leiðir þá röð keyrir á 70? Svona háttalag hlýtur að hlýtur að kalla á framúrakstur og ef sá sem fyrst gefst upp er t.d. sá 8 í röðinni, þá þarf hann að taka fram úr 7 bílum og það er ekki heillavænlegt. En það er að sjálfsögðu verk þess sem er annar í röðinni að taka fram úr slysagildrunni sem leiðir hópinn.

Nú er ég ekki að mæla með framúrakstri við svona aðstæður en það getur þó gerst að sumir þurfa að flýta sér (þó flestir flýti sér án þess að þurfa þess) og það að lenda í svona aðstæðum er ekki til að hjálpa.  Það er þó bara þannig að þegar aðstæður leyfa, þurrt er og skyggni gott þá á meðalhraðinn á Hellisheiði ekki að vera undir 90 km/klst. Ég hef jafn oft lent í því að keyra Hellisheiðina án þess að lenda á eftir silakeppum og fengið að halda 90-100 km jöfnum hraða og það er mun minni hætta að keyra á þeim hraða óáreittur heldur en að keyra í 20 bíla röð þar sem meðalhraðinn er 70.

Ástæðan fyrir þessum vangaveltum eru þær að ég var að koma að sunnan í gær. Lagði af stað kl. 16:00 úr höfuðstaðnum og gekk ferðin mjög vel, veður gott og marautt alla leið. Ég verð þó að minnast á að menn virtust vera að flýta sér mjög mikið austur því fleiri tugir bíla tóku fram úr mér og voru svo horfnir á nokkrum mínútum. Ég keyrði nú á mínum venjulega 100km hraða, þannig að þið megið ekki misskilja það þannig að ég hafi verið kominn í hlutverk silakeppanna á Hellisheiði. En eins og ég segi þá tóku ansi margir fram úr mér á miklum hraða, en það þótti mér ekki verst. Þegar dimmdi og háu ljósin voru sett á, voru mjög margir sem ekki höfðu fyrir því að taka háu ljósin af, bæði þegar þeir voru komnir fyrir aftan mig og þegar þeir tóku fram úr. Svona háttalag gerir náttúrulega hvern mann brjálaðan enda var ég hættur, undir það síðasta, að taka háu ljósin af þegar bíll með háu ljósin á tók fram úr.

Svona er þetta nú. 


Flugfélag Íslands

200_FlugfelagIslandsÍ gær flaug ég 750 km og keyrði 300. Það er ekki laust við að ég hafi verið þreyttur þegar ég kom heim. Mikið rosalega er samt dýrt að fljúga með þessu ágæta flugfélagi. Við þurftum að fara suður í jarðarför, ég, pabbi, Jakó, Dagur. Það kostaði okkur ekki nema 90.000 að fá Flugfélag Íslands til að ferja okkur á milli. Það er nú ekkert smáræði sem Flugfélagið hefur grætt á okkur. Auðvitað hefðum við átt að fara saman í bíl suður en ýmsar ástæður gerðu það að verkum að við gátum það ekki. Pabbi sagði mér að sama dag og hann bókaði 2x 12.000 krónur fram og til baka þá barst honum tilboð frá Icelandair um flug til Kaupmannahafnar á 8.000 krónur.
 
Hvernig getur það gengið upp?

Sigurður Kári og fötin

sigurdur_kariÍ öllu þessu tali um Björn Inga og fatakaup hans finnst mér merkilegt að aldrei hafi komið fram í dagsljósið upprifjun á þætti Auðuns Blöndal, Tekinn, þar sem hann plataði Sigurð Kára, Sjálfstæðismann, við fatakaup þess síðarnefnda í verslun Sævars Karls. Hann var plataður þannig að afgreiðsludaman (sem var leikin) ætlaði að láta hann borga fyrir fötin á meðan Sigurður og Sævar voru fyrirfram búnir að semja um að fötin fengjust gefins. Þegar kom að því að borga fyrir fötin, upphæð sem nam að ég held tæpum 300.000 krónum þá var það aldrei inni í myndinni hjá Sigurði að borga, enda átti það ekki að geta gerst þar sem Sævar Karl ætlaði að gefa honum fötin. 

Er þetta ekki alveg sama aðferð og Björn Ingi og félagar eru gagnrýndir svo mikið fyrir, svo mikið að sumir tala um spillingu? Björn Ingi segir að fötin hafi verið keypt út á styrki. Eru það ekki bara eins styrkir og Sigurður Kári og Sævar Karl sömdu um? Mér er spurn.

Ég held að þessi fatakaup sem Björn Ingi stóð fyrir séu alveg jafn algeng í öðrum flokkum. Aðrir flokkar kjósa það einfaldlega að kannast ekki við það til að láta Björn Inga líta illa út.


mbl.is Átök framsóknarmanna í Reykjavík hafa jaðrað við mannvíg
Tilkynna um óviðeigandi tengingu við frétt

Hitamál

Eitthvað verð ég að gera til koma mér af stað aftur.

Þá dugir lítið annað en punktablogg.

Fissjer er dauður.
Ég stuða sjálfsagt marga og geri enn fleiri brjálaða þegar ég segi að farið hafi fé betra. Jú, hann var skáksnillingur, engum blöðum að það að fletta. Þó var hann aðallega fyrir mér sorglegt eintak af manni sem gat hvergi komið og hvergi farið án þess að gera allt vitlaust í kringum sig eða verða vitlaus sjálfur út af einhverju. Það var allt ómögulegt, svo varla hefur þetta verið skemmtilegt líf sem hann lifði. Mér fannst Íslendingar stíga skrýtið skref með því að "ættleiða" hann hér um árið.  Ég hef í raun aldrei séð tilganginn með því. Hann var ekkert nema merkilegheitin þegar hann steig út úr vélinni og síðan spurðist ekkert til hans þar til hann var allur. Þá tóku nokkrir snillingar sig saman og vildu koma honum fyrir í þjóðargrafreitnum, við hlið Einars Ben og Jónasar Hallgrímssonar. Ef það hefði verið gert, sem reyndar var vonandi aldrei inni í myndinni, þá hefði ég farið sjálfur og grafið hann upp og hent honum í Þingvallavatnið. Þvílík og önnur eins hneisa.
Svo var mér öllum lokið þegar fréttin um jarðarför hans kom á undan frétt þess efnis að öllum starfsmönnum HB Granda á Akranesi hafi verið sagt upp. Soldið merkilegt forgangsröðun í fréttatíma. Persónulega fannst mér nú merkilegra að heyra um uppsagnirnar og það yfir höfuð merkilegri atburður heldur en þessi jarðarför. 

Ný borgarstjórn.
olafurÉg spyr nú bara hvort ekki sé komið nóg. Nafni minn F. Magnússon orðinn borgarstjóri og Villi vitleysingur á leið í stólinn að ári liðnu. Reyndar tel ég að þessi vanhæfa stjórn verði komin frá völdum eftir, hmm.. c.a. mánuð. En þegar öllu er á botninn hvolft er niðurstaðan sú að Sjálfstæðismenn gera allt og þá meina ég allt til að komast til valda. Er virkilega ekki til einhver maður æðri öllum þessum bjánum sem getur einfaldlega stigið fram og sagt. "Neineinei... þetta gengur ekki svona lengur", lokað helvítis búllunni (ráðhúsinu) og boðað til nýrra kosninga? 

 

 

Fleira var það ekki í bili.


Hvar er samræmið í réttarkerfinu?

Ég las í morgun að karlmaður hafi verið dæmdur í 2 1/2 fangelsi fyrir kynferðislega misnotkun á 6 ungum stúlkum á nokkurra ára tímabili.

Svo fær karlmaður á þrítugsaldri 9 mánaða fangelsi fyrir að stela nærbuxum fyrir 3 þúsund kall.

Hver andskotinn er að? 


mbl.is 9 mánaða fangelsi fyrir nærbuxnahnupl
Tilkynna um óviðeigandi tengingu við frétt

Áhrif álvers á Austurlandi

Ég vil byrja á þessum pistli með því að koma því á framfæri að ég er harður stuðningsmaður álvers á austurlandi.

easticelandÞað er samt ekki allt gott við álverið, eða réttara sagt ekki allt gott við áhrif álversins enda ekki við því að búast þegar farið er í svo stóra framkvæmd. Þegar framkvæmdir hófust var ég við nám í Reykjavík en stundaði vinnu á sumrin og í öðrum fríum heima á Borgarfirði eystra. Þá sá ég ekkert nema gott við álverið og fannst þetta svo frábært að slæmu áhrifin voru víðs fjarri. Enda stóð maður í því hvað eftir annað fyrir sunnan að verja þessa framkvæmd og útskýra fyrir Reykvíkingum hversu mikill fengur fyrir austfirðinga þetta væri.

Hvert skipti sem maður lagði leið sína austur á land sá maður uppgang og framkvæmdir, nýjar verslanir og önnur þjónusta hrannaðist upp og andrúmsloftið var allt annað og jákvæðara en maður hafði áður þekkt. Það var einfaldlegar uppgangur og allir höfðu nóg að gera. 

Það merkilega við allan uppganginn og hina óendanlegu vinnu sem bauðst er að það hvarflaði aldrei að mér að vinna í uppganginum né í álverinu sjálfu. Það hefur einhvern vegin aldrei verið inni í myndinni enda hefur Reyðarfjörðurinn sjálfur aldrei heillað mig og þar gæti ég aldrei ímyndað mér að búa. Eins fyndist mér fráleitt að flytja í Egilsstaði, maður fékk nóg af búsetu í því bæjarfélagi þetta eina ár sem ég sótti þar menntaskóla. Þetta er að sjálfsögðu mín persónulega skoðun.

// Nú kemur smá útúrdúr //
Eftir að námi lauk varð úr að við Inga fluttum á Djúpavog, en það hafði verið ákveðið nokkuð löngudjupivogur__ljosm._andres__large_ áður. Eflaust var þetta hálfeinkennileg ákvörðun enda Inga búin að klára klæðskeranám og ég tölvufræðinám. Það var nú bara þannig að eftir fjögurra ára búsetu í Reykjavík vildum við komast í rólegheitin en satt best að segja renndum við nokkuð blint í sjóinn enda hvorugt okkar búið að fá vinnu þegar við vorum búin að flytja okkar hafurtask austur á land. Það varð úr að okkur bauðst vinna við uppstokkun og svo beitningu á nýju kvótaári. Það skal viðurkennast að eftir fjögurra ára tölvunám var ég kominn með upp í kok og vildi komast í "alvöru" líkamlega vinnu. Beitningin hentaði mér alveg sérstaklega vel því þar er maður sinn eigin herra hvað varðar vinnutíma og afköst.
Eftir tvö ár í beitningunni vorum við nú farin að þreifa fyrir okkur á vinnumarkaðnum hér á Djúpavogi enda vinnuleiði kominn í mann og beitning svo sem ekkert framtíðarstarf. Okkur var báðum boðið starf við kennslu í grunnskólanum og mér aukinheldur boðið að taka við tæknimálum hjá hreppnum. Í dag eru þetta okkar störf og við unum okkur vel og höfum það fínt.
// Útúrdúr lýkur //

Þið verðið að afsaka þennan útúrdúr en hann er að nokkru leyti nauðsynlegur þar sem að eftir að ég hóf störf á hreppnum er ég meira inni í sveitarstjórnarmálum og þeirri baráttu sem Djúpavogshreppur er í. 

Eftir að ég flutti á Djúpavog hefur afstaða mín til álversins á Reyðarfirði breyst töluvert. Ég fagna að sjálfsögðu auknug_bulandstindur_rval_bulandstindur0334_largem atvinnutækifærum austfirðinga, aukinni þjónustu og öllu því góða sem svona framkvæmd fylgir. Ástæða þess að afstaða mín hefur breyst er sú að Djúpivogur er utan þessa svokallaða áhrifasvæðis álversins. Hér hefur nákvæmlega ekkert breyst og Djúpavogsbúar finna ekki að nokkru leyti fyrir uppganginum en það skal tekið fram að við erum alls ekki á neinni vonarvöl, síður en svo. En að sjálfsögðu er ansi sárt að horfa upp á að áhrifasvæðið sé ekki stærra en raun ber vitni. Egilsstaðir, Reyðarfjörður eru eðlilega svæðin sem mestur uppgangur er á og hans gætir einnig að nokkru leiti á Fáskrúðsfirði og að litlu leiti á Norðfirði en satt best að segja hef ég ekki heyrt að uppgangurinn sé mikill á Eskifirði eins einkennilega og það hljómar nú. Það væri synd að segja að eiginlegra áhrifa gæti á Stöðvarfirði en að sjálfsögðu eru þessir fjórir firðir í sama sveitarfélagi, Fjarðabyggð. Breiðdalsvík stendur, eins og Djúpavogur utan þessa áhrifasvæðis.

En aftur að Djúpavogi. Það sem ég hef tekið eftir eftir að ég flutti á Djúpavog og hefur breytt minni afstöðu gagnvart álverinu er að það er að myndast nokkuð mikil "klíka" á áhrifasvæðinu og þá sérstaklega á Reyðarfirði. Ég veit ekki hvort það megi kalla það valdhroka en af einhverri ástæðu sjá Reyðfirðingar ekkert nema álverið sem er að sjálfsögðu mjög slæmt. Þeim finnst sjálfsagt að allir vinni í álverinu eða álverstengdri starfsemi. Menn hljóti að vera annað hvort skrítnir eða einfaldlega bjánar að búa einhversstaðar annars staðar en á álverssvæðinu. Þegar ég segi við fólk, meira að segja fólk sem ég þekki, á Reyðarfirði eða Fáskrúðsfirði að ég búi á Djúpavogi verða menn hálfskrýtnir. "Af hverju flyturðu ekki hingað?", er yfirleitt fyrsta spurning. Mitt svar er að ég hafi ekki áhuga á því og þá verða menn sárir. Þeim finnst ótrúlegt að menn vilji búa annarsstaðar. "En af hverju vinnurðu ekki að minnsta kosti í álverinu þó þú búir á Djúpavogi?" er spurning sem ég hef líka heyrt. Svar mitt við þeirri spurningu er sú að það kemur bara ekki til mála að vinna annarsstaðar en þar sem ég bý þó að ég hefði einhverhundruðþúsund meira í árstekjur. Þá verða menn eiginlega hálfreiðir og skilja ekkert í svona hugsunarhætti enda skilja þeir enganvegin hvernig menn geta búið annarsstaðar en þar sem uppgangurinn er.

Þó að "valdhroki" sé dálítið stórt orð á það að mörgu leiti við í þessu tilfelli enda má merkja valdhroka í þessum spurningum sem ég upplýsti ykkur um hér fyrir ofan. Þetta er kannski það sem ég óttaðist mest að myndi þróast út úr þessari framkvæmd. Ef þú vinnur ekki í álverinu eða býrð ekki á Egilsstöðum, Reyðarfirði eða Fáskrúðsfirði (ég nefni Fáskrúðsfjörð líka því ég hef orðið var við þennan hugsunarhátt þar) þá hlýtur bara að vera eitthvað að.
Ég vil nú bara koma því á framfæri við þá sem hafa þetta að leiðarljósi að ef þeir halda að eðlilegt sé að allir búi á þessum þremur stöðum og vinni í álverinu eða einhverju sem spratt upp af álverinu þá þurfa þeir að hugsa sinn gang alvarlega og endurskoða heildarmyndina. Það liti nú ekkert sérstaklega vel út fyrir austurlandið í heild ef þar væri einvörðungu unnin verksmiðjuvinna eða þjónustutengd vinna og allir íbúar skiptu sér niður á þrjá staði. Fjölbreytnin verður að vera til staðar og byggðin verður að haldast í öllum sveitarfélögum. Svo einfalt er það.

Þá kem ég að því sem ég hef haldið aftur af mér að skrifa um lengi og tengist þessu áhrifamáli álversins mjög mikið. Vegna þessa máls hef ég rifist við mína nánustu, mína bestu vini, kunningja og eins fólk sem ég þekki ekki neitt. Það er fyrirliggjandi framkvæmd sem kallast heilsársvegur yfir Öxi.
Samgönguráðherra, sem mér hefur reyndar alltaf verið í nöp við, ákvað að farið yrði í að gera veginn yfir Öxi að heilsársvegi en Öxi styttir leiðina frá Berufirði upp í Egilsstaði um 71 kílómeter (ef miðað er við að keyra fjarðarleiðina um Fáskrúðsfjarðargöng en 61 ef miðað er við að keyra um Breiðdalsheiði). Það var að vonum mikill fögnuður sem braust út meðal Djúpavogsbúa og margra annarra sem notfæra sér þessa leið þegar þetta var tilkynnt. Annað hljóð barst frá álverssvæðinu. Það var ekki fögnuður, menn samglöddust ekki heldur voru menn þar á bæ svo hneykslaðir og svo reiðir yfir að fjármunum skuli verða varið í svo fáránlega framkvæmd og þar að auki framkvæmd utan álverssvæðisins að þeir höfðu aldrei vitað annað eins. Að menn skuli láta sér detta í hug að verja 1.3 miljörðum í vegaframkvæmd á austurlandi sem ekki tengist álverssvæðinu sé einfaldlega fráleitt. 

"Nú?" segi ég þá við andstæðinga Axarvegs. Hvað á þá að gera í staðinn? "Heldurðu að það sé nú ekki gáfulegra að bora í gegnum Berufjörð, yfir á Breiðdalsvík og klára svo samgöng frá Norðfirði upp í Egilsstaði?" er svarið sem ég fæ. Hins vegar stoppa þeir yfirleitt á Reyðarfirði, en ekki Egilsstöðum, vegna þess að það er náttúrulega borðleggjandi að ef búið er að bora í gegnum Berufjörð þá er orðið það stutt á Reyðarfjörð og þar af leiðandi stutt fyrir Djúpavogsbúa að sækja  vinnu á Reyðarfjörð. Eins er þá búið að koma því þá svoleiðis fyrir að sameining Djúpavogshrepps við Fjarðabyggð er nánast formsatriði.

Það veit ég ekkert um hvort er gáfulegra. Vegur yfir Öxi eða göng í gegnum Berufjörð og samgöng í Egilsstaði. En hitt veit ég að seinni framkvæmdin tekur að minnsta kosti 20 árum lengri tíma en Axarvegur sem á að vera tilbúinn 2011. 20 ár höfum við Djúpavogsbúar ekki. Þess vegna styð ég heilshugar heilsársveg yfir Öxi. Auk þess sem Djúpavogsbúar hafa lítinn sem engan áhuga á að sameinast Fjarðabyggð. Hvers vegna ætti ég að vilja sameinast sveitarfélagi sem hefur ekki einu sinni flugvöll?

Ég get kannski að mörgu leyti skilið Fjarðabyggðarbúa að þeim finnist fáránlegt að heilsársvegur sé byggður yfir Öxi, enda ekki nema örfáir þar sem notfæra sér þann veg. En þeir eru ekki heldur einir í heiminum. Það að þeir geti ekki samglaðst öðrum þegar vel gengur er mér óskiljanlegt og er að mörgu leiti sorglegt.

Niðurstaða mín er samt sem áður sú að góðu áhrif álversins eru fleiri en neikvæðu. Aukin þjónusta og aukin vinna er það sem málið snýst um. Mér finnst frábært að fara í Egilsstaði og nýta mér þá auknu þjónustu sem þangað er komin vegna áhrifa álversins.

-- 

Nú er ég kominn með bloggsting. Ég gæti haldið áfram að tjá mig um þessi málefni en ef ég held áfram þá fer ég að bulla. Vegna bloggstings. Hér vil ég láta staðar numið því ef ég fer að bulla þá fer ég hljóma eins og vinstri-grænn (sorrí Andrés) og það vill ég ekki.

Þetta er lengsta færsla sem ég hef skrifað á mínum 7 ára ferli sem bloggari og því skal ég lofa að svona langa færslu skal ég aldrei aftur skrifa. 


Ræfilssáttmáli

Ok ég sagðist ekki ætla að skrifa um nýja ríkisstjórn en þar sem alltaf er sagt að Framsóknarmenn séu ekki menn orða sinna þá er best að ég skrifi um hana.

Ég var semsagt að lesa þennan sáttmála. Og þvílík og önnur eins innantóm vitleysa. Hvar er kjarkurinn? Hvar eru öll þessi tugmilljarðakosningaloforð Samfylkingarinnar? Þetta kemur mér fyrir sjónir eins og væmin sápuópera af verstu sort. Það þarf tilfinnanlega meiri hörku í þetta!

Djöfull er gaman að vera kominn í stjórnarandstöðu og geta vælt yfir öllu sem við kemur ríkisstjórninni. Grin 


mbl.is Ágreiningur um þjóðareign á náttúruauðlindum verði leiddur til lykta
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband