Af KR, ÍA og getuleysi

Það verður seint sagt að mínir menn í KR séu, eða hafi síðustu ár, verið að gera góða hluti í Landsbankadeild karla. Það er keypt og keypt en ekkert gengur. Það er erfitt að segja hvað veldur, því í hverri stöðu eru toppklassa leikmenn. Andleysi og jafnvel áhugaleysi spilar þarna inni í og klárlega vantar einhvern til að rífa upp stemmninguna. Hélt reyndar að Logi Ólafs væri kjörinn í það starf og hann virtist vera að ná smá takti í liðið á tíma í sumar en nú er allt í sama farinu. Eini sem eitthvað sýnir er Mummi vinur minn, en ég spái því að hann verði kominn í gott lið í útlandinu fljótlega eftir að þessu móti lýkur

KR hefur ekki unnið FH í Frostaskjólinu síðan sautjánhundruðogsúrkál, sem er náttúrlega skandall. KR á einfaldlega ekki að tapa á heimavelli. Ekki með þessa stuðningsmenn og ekki í þessum búning. Það er einfaldlega bannað. 

Nóg um það.

Ástæðan fyrir þessu bloggi er í raun nýr leikmaður KR. Bjarni nokkur Guðjónsson klæddi sig í röndótta búninginn eftir að hafa skitið á sig, ásamt bræðrum sínum og frændum, í ÍA. Sjaldan eða aldrei hef ég verið jafn hneykslaður á nokkrum kaupum og einmitt þessum. Hvað á Bjarni að geta gert fyrir þetta lið? Hann er án nokkurs vafa einn af ofmetnari leikmönnum sögunnar og eins og kom í ljós í kvöld er hann fantur.

Þetta var engin tilviljun öll þessi rauðu spjöld hjá ÍA í sumar. Þetta var ekkert einelti eins og Gauji Þórðar vildi meina. Hann lagi einfaldlega upp með svona spilamennsku og Bjarni virðist eiga bágt með að kúpla sig út úr henni þegar hann er kominn í nýtt lið. Ég held að það sé ekki úr vegi að vitna í Dodda, mág minn, en hann orðaði þessa krísu hjá ÍA ansi vel í sumar;

"Hvernig ætlast Guðjón Þórðarson til að hann geti búið til gott lið úr ofmetnum og getulausum sonum sínum og afdala frændum?"

Þetta var ansi vel orðað hjá honum og hverju orði sannara því þetta var, og er, ekkert annað en skapstór fjölskylda þarna á Skaganum.

Ég óttast það mest að Logi Ólafsson verði látinn taka pokann sinn eftir þessa leiktíð og Guðjón Þórðarson verði ráðinn sem nýr þjálfari KR. Ja, ljótt er ef satt er.

Þá liggur leiðin rakleitt niður í 1. deild.

Enn einn sigur FH á KR í Vesturbænum

Athugasemdir

[Rúnar Geir Þorsteinsson, 10.8.2008 kl. 23:14]

Mikið vona ég að ótti þinn verði ekki að veruleika. Því ef Bjarni er ofmetinn, þá veit ég satt að segja ekki hvað ég á að segja um Gauja sem hefur rokið burt í fússi eða rekinn úr hverju starfi síðan hann var með Stoke. Annars var skelfilegt að horfa á fyrrum skagamenn í leiknum í kveld. Gunnlaugur er auðvitað ný kominn úr meiðslum og Bjarni virðist ekki í neinu formi, enda báðir skelfilega lélegi í þessum leik. Svo toppaði þriðji "fyrrum skagamaðurinn" Sigurstein hinn mikli snillingur allt saman með því að fá rautt.

En ég kvíði framtíðinni ekki, en því miður munum við ekki halda Guðmundi Reyni mikið lengur. Það er nokkuð ljóst.

Bestu kveðjur.

Lifi Stórveldið.

[Mummi Guð, 10.8.2008 kl. 23:46]

Eitt skil ég ekki, af hverju var Bjarni keyptur til KR? Vantaði liðinu miðjumann í bakvörðinn eða var það til að koma í veg fyrir að Valur myndi kaupa hann?

[Birgir Th Ágústsson, 12.8.2008 kl. 11:23]

Löngu hættur að svekkja mig á gengi KR. Enda væri maður alltaf í fýlu ef svo væri.  Maður hefur í nóg að snúast að svekkja sig yfir sínum mönnum í ensku.