England út

Eini leikmaður enska landsliðsins sem ég finn til með er Peter Crouch.

Allir aðrir eru bara yfirborgaðir fitukeppir sem geta ekki neitt. Svo er betra að vera með markvörð í markinu í stað þess að leyfa boltastráknum að spreyta sig á úrslitastundu. 

Svo kemur rokkstjarnan hlaupandi inná til að bjarga málunum. Hann gerði reyndar heiðarlega tilraun til þess en alltaf var jafn fyndið að sjá Beckham stilla sér upp fyrir myndavélarnar áður en hann tók aukaspyrnur eða horn. Sama þó að hann væri að flýta sér eins og hann gæti að taka horn þá tók hann alltaf 2ja sekúndna pósu fyrir myndavélarnar með þessari fyrirsætustellingu.

En Peter Crouch. Þó hann sé leikmaður Liverpool þá er ekki annað hægt en að hrífast af honum. Hann er ekki áferðarfallegur, hann hefur ekki flair (eins og Bretarnir segja), hann er ekki tignarlegur í hreyfingum og þá síður myndarlegur. En hann hefur hjarta. Og löngun til að gera vel. Það er annað en hinir keppirnir í enska landsliðinu.

Hvar voru svo öll þessi hrúga af enskum leikmönnum sem sir Alex er alltaf að gorta sig af? Ég gat ekki betur séð en að enginn úr ManU væri inná. Ekki voru þeir sjáanlegir, nema þá sláninn og keppurinn á bekknum. Ekki gat McClaren haft vit á því að velja eina skemmtilega enska leikmanninn, Theo Walcott, til að klára þetta fyrir Englendinga. 

Ef einhver átti það skilið að England kæmist áfram þá var það Peter Crouch. Og Þröstur frændi minn.

 

Athugasemdir

[Gummó (IP-tala skráð) 22.11.2007 kl. 20:28]

Ég get bara ekki sagt að þeir hafi átt skilið að fara áfram!  Lít á ráðningu Mclarens sem þjálfara, jafn slæma og KSÍ gerði með að ráða Óla Jó!  Er algjörlega á þeirri línu að landsliðsþjálfarinn hefði átt að vera af erlendu bergi brotinn!  Þar sem allir leikmenn hefði byrjað á núlli, sama byrjunarreit! Hvaða erlendi þjálfari hefði t.d. valið Arnar Þór Viðarsson í fyrsta landsliðshóp sinn?!  Akkúrat enginn!!!! . . En það gerði Óli, eins og ekkert væri sjálfsagðara!

Orð þín um Crouch er sennilega sönn, engu að síður...  Get ekki fundið til með Mclaren að hafa Carson í liðinu, algjörlega óskiljanlegt! Hefði haft James, alveg grimmann í markinu, sennilega besti enski markvörðurinn...

[Reynir Svavar Eiríksson (IP-tala skráð) 4.12.2007 kl. 05:15]

Ástæðan fyrir því að England komst ekki áfram er að bestu mennirnir, sem b.t.w. eru úr MAN UTD voru ekki með vegna meiðsla.

Og bíddu? áttu Beckham ekki sendinguna sem Pétur Klof gat ekki gert annað en að skora úr? Hef ekki séð Beckham allavega vera þannig að hann leggi sig ekki fram fyrir England.

Hver er Theo Walcott? hann skoraði eitt mark hérna í fyrra í bikarleik með Arsenal, that´s it!

Svo er ég sammála að menn ráða ekki mann sem landsliðsþjálfara Englands þegar eina sem Steve Mc. hefur gert er að vera handlangari hjá Ferguson.

Hættu að bulla um fótbolta og haltu áfram að blogga um einhvað skemmtilegt þarna gunnerinn þinn.

Þetta er samt ekki ádeila á Pétur Klof, ég fýla hann, góður fótboltamaður og virkilega vanmetinn!

[Ólafur Björnsson, 6.12.2007 kl. 08:43]

"Svo kemur rokkstjarnan hlaupandi inná til að bjarga málunum. Hann gerði reyndar heiðarlega tilraun til þess...." þetta var það sem ég meinti með því að hann hafi lagt upp eitt mark.