Virkilega sanngjarnt

Mínir menn í Arsenal unnu frækinn sigur á and- og getulausu liði AC Milan.

Unglingarnir fóru nokkuð létt með prímadonnurnar hjá AC Milan, en engin þeirra gat nokkurn skapaðan hlut nema að sjálfsögðu Maldini, endur ungur og efnilegur leikmaður þar á ferð................

Maður hlýtur því að spyrja sig við hvað er miðað þegar talað eru um "bestu leikmenn heims". Ef maður ber saman Fabregas og Kaka í þessum tveimur leikjum er ljóst að Fabregas er fremri Kaka á öllum sviðum, nema þá kannski hraða. Það er kannski ekki sanngjarnt að bera þess tvo saman úr einungis tveimur leikjum en ef ekki úr þessum tveimur, hverju þá? Auðvitað veit maður hvað Kaka getur en það er einmitt í svona leikjum sem það á að skipta mestu máli að sýna eitthvað, en hann var afar slakur yfir það heila. 

Ef ég á segja alveg eins og er þá finnst mér varla hægt að bera aðra tvo leikmenn saman úr þessum tveimur liðum, þeir eru það ólíkir. Flamini fer, úr þessum tveimur leikjum, ansi létt með Gattuso, Hleb fer létt með Pirlo. Aðrir leikmenn eru það ólíkir að samanburður er ómögulegur. Hins vegar væri hægt að bera saman Gallas og Nesta, en persónulega hefur mér alltaf fundist Nesta einn af betri varnamönnum heims og var yfir það heila fínn í báðum leikjunum. Gallas er vissulega frábær en Nesta sennilega betri.  Það skal tekið fram, bara til að hafa það á hreinu, að maður ber engan saman við Maldini, enda einn af betri íþróttamönnum sögunnar þar á ferð.

En svo er hitt, að liðsheildin og liðsandinn skiptir að sjálfsögðu höfuðmáli í svona leikjum. Arsenalmenn spila yfirleitt þannig að það mætti halda að þeir hafi allir verið aldir upp saman. Hins vegar er ekki að finna vott af spilagleði eða samheldni í Milan liðinu.

Svo fagna ég að sjálfsögðu því að Manchester United hafi komist áfram og vona, og ætla, að Liverpool og Chelsea komist nokkuð létt úr þessum 16-liða úrslitum.

Amen 

Arsenal vann frækinn 2:0 sigur í Mílanó

Athugasemdir

[joi (IP-tala skráð) 4.3.2008 kl. 23:01]

Alveg rétt, það er erfitt að bera menn saman sem spila kannski ekki einu sinni sömu stöðu. Það sem mér finnst hins vegar frábært við þetta Arsenal lið er hvað leikmenn þeirra eru fjölhæfir. Eboue spilaði bakvörð í fyrra, tengiliður í ár. Hleb tengiliður í síðasta leik, senter í þessum. Gallas hótar að skora sjálfsmark hjá Chelsea ef þeir hætta ekki að nota hann sem bakvörð. Núna spilar hann í miðju varnarinnar hjá Arsenal. Gilberto Silva sem kom inn sem varamaður er að spila bæði á miðjunni og í miðju varnarinnar. Arsenal hefur ekki eins mikla breidd og t.d. Man Utd. og Chelsea, enda eru peningarnir notaðir í leikmannakaup brotabrot af því sem þessi lið eyða. Þess vegna er verið að rótera leikmönnum svona.

Held að Walcott eigi eftir að verða stjarna hjá Arsenal. Hann átti frábæra innákomu í kvöld. Hefur spilað vel undanfarið. Wenger ætlaði að lána hann um jólin í annað lið. Walcott sagðist vilja  berjast fyrir stöðunni. Gallas lætur hann heyra það í fjölmiðlum. Walcott svarar með frábærri innákomu.

Þetta á eftir að gefa arsenal gott sjálfstraust í næstu leikjum. Síðan fara leikmenn á borð við Rosicky, Van Persie og Kolo Toure að detta inn í hópinn hjá Arsenal. Þá sjá menn hvað í þetta lið er spunnið.

[Ólafur Björnsson, 4.3.2008 kl. 23:38]

Sæll Jói.

Já, það er nú ekki hægt að bera saman eyðsluklærnar hjá ManU og Chelsea við Arsenal. Aðeins aðrar hugsjónir hjá Wenger, sem hefur þó nóg af pening til að eyða en það er bara ekki hans stíll (síðasti Móhíkaninn í þeim efnum?)

Innkoman hjá Walcott var góð, og fyrirgjöfin hjá honum sem skilaði marki sýnir að hann hlustaði nákvæmlega á það sem Gallas var að segja í fjölmiðlum, þegar hann sagði Walcott vera of fyrirsjáanlegan sem er alveg hárrétt hjá honum. Walcott tók leikmanninn á (sem reyndar vann arfaslaka varnarvinnu) og gaf boltann fyrir eftir jörðinni, í stað þess að senda háan eins og hann gerir venjulega og eins skilaði hann boltanum mun fyrr inn í teiginn en venjulega. Ég segi það alltaf; Gallas hefur gríðarleg áhrif á þessa ungu leikmenn hjá Arsenal, enda sannur leiðtogi þar á ferð.

Hins vegar hef ég aldrei getað skilið hvað Wenger er að spá með Eboue. Mér finnst hann algerlega vonlaus.

En það er ljóst að Arsenalmenn verða að ná sér niður á jörðina eftir þennan leik, sem sannarlega gefur þeim gríðarlegt sjálfstraust en baráttan um Englandsmeistartitilinn verður svakaleg.