Aðeins af okkur

Þá erum við semsagt orðin fjögur í fjölskyldunni eftir vel heppnaða ferð á Fjórðungssjúkrahúsið á Norðfirði.

Reyndar var biðin helst til löng, en við biðum í viku á Fáskrúðsfirði og tvo daga í Neskaupsstað. Annars var vel hugsað um okkur á báðum stöðum á meðan biðinni stóð. Jakó og Doddi sáu um að gefa okkur að éta á Fáskrúðsfirði og hið óviðjafnanlega starfsfólk á FSN gerði allt til að láta okkur líða sem best á Neskaupsstað.

Það er nokkuð ljóst að munurinn á að fæða í Reykjavík og á Norðfirði er umtalsverður. Það er næstum því ekki hægt að líkja því saman. Það er svipað og að líkja saman farfuglaheimili og 5 stjörnu hóteli. 

Við viljum þakka FSN kærlega fyrir stórkostlega þjónustu og dásamlegt starfsfólk. 

Eins ber að þakka öðlingnum Bjössa Guðmunds fyrir íbúðina á Fáskrúðsfirði, en hún bjargaði okkur alveg.

Þá fær mamma endalausar þakkir fyrir að sjá um Hilmi á meðan við vorum á Norðfirði. 

Þetta er að verða eins og Óskarinn.....

Öllum heilsast vel og ég er svangur.

 

 

 

 

 

 

 

 

 

Athugasemdir

[Anna Karen Sigurjónsdóttir (IP-tala skráð) 2.10.2008 kl. 11:26]

Innilega til hamingju með nýjasta fjölskyldumeðliminn kæra fjölskylda. Þú tekur þig ekkert smá vel út Óli minn ;-)

[Harpa Rún (IP-tala skráð) 3.10.2008 kl. 08:57]

Til hamingju aftur með litlu dömuna :)  ..finnst að þið mættuð fara að setja inn myndir af þeim systkinum!

 Kveðja frá Nesk - Harpa Rún

[sveinn gudmundsson (IP-tala skráð) 4.10.2008 kl. 19:52]

til hamingju með dömuna

[Rósalind (IP-tala skráð) 4.10.2008 kl. 21:20]

Til hamingju með litlu prinsessuna!

Kveðja

Baddi, Rósalind og dætur

[Svava (IP-tala skráð) 6.10.2008 kl. 19:46]

Innilega til hamingju með litlu dömuna ykkar, var að vafra um og lenti hér inn. Vissi ekki að þið ættuð von á ykkur. :) Hún er algjör dúlla. Gangi ykkur vel. Kv. Svava á Fásk.