Fellabakarí

Alveg finnst mér merkilegur andskoti hvað Fellabakarí, það annars ágæta bakarí, er blint á smáatriðin.

Sem dæmi má nefna pulsubrauðin.

Af hverju í andskotanum geta þeir ekki skorið brauðin? Ég veit ekki um neina aðra pulsubrauðaframleiðendur sem selja brauðin óskorin. Ég er nú ekki að biðja um neina vorkunn yfir að þurfa að skera brauðin sjálfur en þeim er sannarlega engin vorkunn í því heldur. Það getur nú varla verið svo mikið mál.

Svo eru það brauðpakkningarnar.

Allir brauðframleiðendur sem ég man eftir setja svona klemmu á brauðpokana (hvítu klemmurnar með dagsetningunni á).

En nei. 

Fellabakarí þrjóskast við og setur eitthvað ótætis límband á pokann. Vita þeir ekki að klemman er krúsjal atriði til að halda brauðinu fersku sem lengst? Þegar ég er búinn að fá mér af brauði sem kemur í klemmupoka þá set ég klemmuna aftur á. Þannig helst brauðið mikið ferskara heldur en ef maður snýr upp á pokaopið. Ég veit ekkert af hverju það er, en það er bara þannig.

Ekki nóg með að þeir setji ekki klemmu heldur troða þeir pokana svoleiðis út að þegar maður er búinn að naga þetta einnota límband af og fær sér eina brauðsneið þá er enn það lítill afgangur af pokanum til að loka honum að maður vildi óska þess að einhverjum himbrimanum í Fellabakaríi hafi dottið í hug að setja klemmu á skrambans pokann.

En brauðin eru fín.

Gáta dagsins:

Hver sagði þessa ódauðlegu setningu og af hvaða tilefni?:

"Margir hafa ekki gert magaæfingar síðan á Eiðum '64.."

Svara í kommentin.

Athugasemdir

[Þröstur Árnason (IP-tala skráð) 22.11.2008 kl. 14:43]

Magnús Sceving 'iþróttabjálfur í auglýsingu sjónvarpsmarkaðarins um bumbubanan eða þarna þvottabrettameikarann sem maður rúllaði fram og aftur (eins og sumir áttu) 

[Ólafur Björnsson, 22.11.2008 kl. 19:48]

Guilty as charged...

Hann var sannfærandi í þessum auglýsingum!