Veðurspá

Nú er klukkan 08:25 á föstudagsmorgni. Verslunarmannahelgin um helgina.
Ég var að skoða veðurspána.  Hún sýnir rigningu um helgina alls staðar nema í Eyjum. Sem er ekkert nýtt. Þetta er alltaf svona fyrir verslunarmannahelgina. Þó það rigni síðan eldi og brennisteini spá þeir alltaf sól og blíðu.

Eru eyjaskrattarnir búnir að múta Veðurstofu Íslands? Svona risasamsæri til að fá alla til Eyja? Maður veit aldrei. Þeir hafa náttúrulega Sigga storm í liði með sér þar sem hann er alltaf í Eyjum um verslunarmannahelgi. Hann hefur alltaf og undantekningarlaust spáð sól í Eyjum og rigningu annars staðar. Enda er hann rakinn þvagheili. 

Ég ætla allavega að vona að Monsoon rigningarnar nái að sleikja Vestmannaeyjar um helgina. En annars er engin leið að vita hvernig veðrið þar verður, þar sem veðurfræðingar spá bara sól án þess að hafa nokkuð fyrir sér í því.

Bæ 

Athugasemdir

[Alli Bald (IP-tala skráð) 7.8.2007 kl. 21:29]

Sæll frændi minn kær.

Ekki varð þér að þeirri ósk þinni að okku r ringdi niður hér í Eyjum.
Að vísu blés nokkuð hrautlega á föstudaginn fyrripartinn en að öðru leiti var hér hið ágætasta veður.

En nú styttist í að maður komi austur þannig að þið megið fara að gera ykkur klár fyrir þau ósköp.

Kv. frá hinni veðursælu suðurhafseyju ;)