Veiðimenn

Veiðimenn eru sérstakur þjóðflokkur. Ég get ekki sagt að ég hafi gaman af veiðimönnum að segja veiðisögur, en það er sjálfsagt engu öðru en áhugaleysi um að kenna. Ég þekki marga sem eru veiðimenn og kann mætavel við marga þeirra þegar þeir eru ekki veiðimenn. En þegar veiðimannahamnum er skellt á þá fæ ég viðbjóð. 

Ástæða þess að ég er að tala um þennan þjóðflokk er sú að í morgunútvarpi Rásar2 er svokallað veiðihorn, þar sem þáttastjórnendurnir, Gestur Einar og Hrafnhildur, hringja í laxveiðimanninn Gunnar Bender og spyrja tíðinda úr laxveiðiám landsins. Mér finnst reyndar svo komið núna að ég kveiki ekki á útvarpinu öðruvísi en að Gunnar Bender sé á línunni.  En hann Gunnar er með þetta allt á hreinu. Hann veit nákvæmlega hvað búið er draga marga laxa, bleikjur og silunga (eða hvað þetta heitir nú allt saman) í öllum laxveiðiám á landinu á þeirri mínútu sem talað er við hann. Einnig veit hann stærðina á öllum tittum sem hafa verið dregnir á land og einnig á hvað þeir voru veiddir. Aukinheldur kann hann nöfnin á öllum veiðimönnunum sem veiddu hvern og einn auk þess sem hann er með það á hreinu hvernig veðrið var í hvert skipti. 

Hvern skollann varðar mig um það hvort Finnur Brjánsson hafi veitt 11 punda lax á flugu suður í Eldvötnum, laugardaginn 13. okt. sl. í fínu veðri en smá sudda? Það eru eflaust einhverjir sem bíða spenntir eftir að Gunnar komi á línuna en er nú ekki nóg komið þegar hringt er í hann dag eftir dag og oft tvisvar á dag?

Það merkilega við þetta er samt það að Gunnar virðist aldrei vera að veiða sjálfur. Hann er bara að fylgjast með öðrum. Merkilegt áhugamál.

Athugasemdir

[Heiða táknmálspía (IP-tala skráð) 17.10.2007 kl. 15:53]

Þori nú varla að segja það.........en læt það koma.

finnst svona veiðisögur álíka áhugaverðar og þegar sveinn bróðir minn og þröstur frændi minn tala um fótbolta.

eða þegar snæsa systir og pabbi tala um hesta.

eða þegar smári og allir hans bræður tala um bíla og gröfur.

Nú verð ég kannski skotin í kaf hihihihihihihihi