Þetta ástand!

Það er nokkuð ljóst að það er til lítils fyrir mig að blogga um ástandið; hrun, kreppu, skandala, afskriftir, afsagnir, aðgerðaleysi o.s.frv. Til þess höfum við alla besservisserana á Moggablogginu. Allt saman eru þetta stjórnmálafræðingar af bestu gerð og hafa sjálfsagt allir rétt fyrir sér.

Ég veit ekki hvort maður á að skammast sín eða vera glaður þegar ástand, eins og nú er ,kemur lítið sem ekkert við mann. Ég finn voðalega lítið fyrir þessu öðruvísi en að matvælaverð hefur hækkað. Reyndar hefur það meira en hækkað hér á Djúpavogi, því Samkaupskeðjan hefur víst hækkað mest allra matvöruverslana á landinu. Og það fer ekki framhjá neinum sem við Samkaup versla. En aftur á móti hefur bensín lækkað og ég spái því (og það má hljóma asnalega miðað við stöðun) að það eigi eftir að lækka enn frekar.

Það jaðrar þó við maður sé svolítið skömmustulegur þegar maður heyrir allar sögurnar að sunnan, af fólkinu sem hefur ekki efni á að borga af húsunum sínum og bílunum og rambar á barmi gjaldþrots. Á maður að skammast sín fyrir að finna ekki eins mikið fyrir þessu? Ég geri það allavega pínu og vorkenni hverjum einum og einasta sem á erfitt, hvort sem þeir "eiga það skilið" (en það eru margir sem vilja meina að þeir sem eyddu um efni fram eigi gjaldþrot skilið, sem er að sjálfsögðu ekki sniðugt) eða ekki.

Svo má vel vera að kreppan skelli á mér von bráðar án þess að ég fái við nokkuð ráðið. Sjáum til.

Athugasemdir

[Harpa Rún (IP-tala skráð) 18.11.2008 kl. 15:04]

..ég vorkenni sko ekki þessu liði sem er búið að vera að taka 100% lán og byggja sér svaka hús og eiga þrjá fjóra bíla í stæðinu og fór svo einu sinni í mánuði til útlanda! það gat bara hamið sig eins og við hin, "þetta eðlilega" fólk!

 en ég vorkenni þessu venjulega fólki sem er að missa vinnuna og svona... getur þá ekki borgað sínar skuldir og svona..

..annars á maður ekkert að vera að segja um þetta þegar maður lendir ekki í þessu sjálfur!

Kveðja frá nesk - Harpa Rún

[Heiða (IP-tala skráð) 20.11.2008 kl. 20:17]

sammála Hörpu .

Hef mikið einmitt hugsa um þetta....hvort maður eigi að skammast ´sin fyrir að vera kátur og glaður lifandi sínu skemmtilega lífið þrátt fyrir kreppu.eeeeeeen ég vil meina það að ástæðan fyrir því að við finnum lítið fyrir kreppunni sé sú að við höfum verið pínulítið skynsöm ´síðustu árin......heiða skynsöm....er það hægt...nei audda eki..heiða er bara vel gift....eða samt ekki gift....vandaði makavalið :)

En ja hins vegar getur maður alveg vorkennt þeim sem eru að missa vinnuna og allt í volli út af því.....það hefur víst ekkert með skynsemi að gera, það geta allir lent í því.

ég krossleg bara fingur að minn skaffir missi ekki vinnuna....allavnega ekki fyrr en ég útskrifast :)